Decisión de crear unha empresa 

1.- Idea inicial

Todo proxecto de empresa desenvólvese ao redor dunha idea que xorde como consecuencia da detección dunha oportunidade de negocio. O xurdimento da idea para crear unha empresa varía en función das circunstancias de cada persoa/persoas. Son moitos os factores que poden levar a unha persoa a inclinarse por un negocio concreto. Con carácter xeral, os factores que determinan a elección da idea son:

• Repetición de experiencias alleas: é o efecto reflexo dos negocios novos que se produce frecuentemente nas épocas de expansión da economía.
• Novas oportunidades de negocio en mercados pouco abastecidos, de nova creación ou cunha alta porcentaxe de crecemento.
• Coñecementos técnicos sobre mercados, sectores ou negocios concretos.
• A experiencia do futuro empresario que foi traballador ou directivo doutro negocio e que pretende independizarse.
• Cando se posúe un produto innovador que se estima que pode xerar mercado.
• Cando se trata de negocios ou actividades de escasa complexidade que permiten a calquera persoa establecerse por conta propia en tal actividade.

2.- Plan de empresa

É un documento de traballo no que se desenvolve a idea de negocio que se pretende pór en marcha. Este documento é aberto e dinámico, actualízase a medida que avanza a idea, é sintético e claro, debe atraer constantemente ao lector e ao ser tan variable non se axusta a ningún modelo estándar. Con todo, a nivel xeral engloba os seguintes aspectos:

• Descrición da empresa, negocio ou iniciativa empresarial
  • Referencia da experiencia e obxectivo dos promotores
  • Descrición técnica
  • Localización xeográfica
  • Estrutura económico-financeira
  • Organigrama dos recursos humanos
  • Estrutura legal
• Definición do produto ou servizo a fornecer
  • Descrición
  • Necesidades que cubre
  • Diferenzas con produtos da competencia
  • Existencia dalgún dereito sobre o produto ou servizo a comercializar
• Planificación dos aspectos comerciais
  • Análise de mercado. Estudo de mercado
  • Plan de mercadotecnia
  • Establecemento das redes de distribución
  • Plan de compras

A Dirección Xeral de Política da Peme pon a disposición dos usuarios unha ferramenta interactiva na que se ensina a realizar un Plan de Empresa (información dispoñible só en castelán) coma se fora un xogo.

3.- Elección da forma xurídica

• Factores a ter en conta
  • Número de socios
  • Contía do capital social
  • Requisitos de constitución
  • Obrigas fiscais
  • Réxime de Seguridade Social
  • Contratación laboral
  • Responsabilidade fronte a terceiros

Tipos de forma xurídica dependendo das características particulares [es]