Laguntzaren deskripzio orokorra

Diru-laguntza jaso dezaketen gastuak

1. Enpresen EGE txostenak/memoriak eta kudeaketa-sistemak egiteko orduan erabiliko diren tresnak eskuratzea eta egokitzea edo xede bererako beste batzuk sortu eta garatzea. 
2. Aurkeztutako jarduketa-planekin lotura zuzena duen eta erakunde eskatzailearekin laneko lotura duen pertsonal teknikoaren gastuak. Gizarte Segurantzako 1. eta 4. kotizazio-multzoetako pertsonal teknikoaren gastuak diruz lagundu ahal izango dira. Lan-kategorien arabera 2011rako onartu ahal izango diren gehienezko tarifak deialdiko II. eranskinean jasota daudenak izango dira.
3. Kanpoko laguntzen kostuak, esaterako, laguntza teknikoarenak, kontsultoretza eta tutoretzako kanpoko gastuak eta laguntza-eskaeran xehatuta dauden eta aurreikusitako jarduketa gauzatzeko beharrezkoak diren zerbitzuenak.
4. Atal honetako b) paragrafoan aipaturiko pertsonal teknikoak jarduera gauzatzeko egin beharreko hiri arteko bidaiak, garraio publikoan nahiz ibilgailu pribatuan egindakoak, eta ostatu-gastuak. 2011rako gehienezko zenbateko onargarrien mugak deialdiko II. eranskinean jasotakoak izango dira.
5. Gastu orokorrak; justifikazio-arauetan zehaztutakoaren arabera zehaztu beharko dira eta ez dute diruz lagundu daitekeen aurrekontuaren % 10 gaindituko.