Laguntzaren deskripzio orokorra

Helburuak eta laguntza-erregimena

Programa honekin lotutako jarduketen helburu nagusia gaur egun Espainian dauden Ekintzaileei Laguntzeko Zentroen zerbitzu-eskaintza hobetzea eta indartzea  da eta baita zerbitzu horien kalitatea hobetzea eta zerbitzuak ekintzaileen premietara egokitzea ere lankidetza-proiektuak martxan jarrita. Jarduketa horiek ELZen osagarritasuna eta espezializazioa lortzen laguntzea da beste asmoa.

Laguntzak diru-laguntza gisakoak izango dira.

2011eko ekitaldirako deialdia urtekoa izango da, ebaluazio- eta ebazpen-prozedura bakarrekoa.

Emakida-erregimena norgehiagokakoa izango da, publizitate, gardentasun, berdintasun eta diskriminazio-ezeko printzipioen araberakoa. 

Proiektu eta jarduketa guztiak lankidetza-modalitatean egingo dira.

Eskatzaile/parte-hartzaile bakoitzak proiektu bakarrean har dezake parte.

Lankidetza-proiektuetako parte-hartzaileek ezin dute izan % 60tik gorako partaidetza proiektuaren garapenean eta diru-laguntza jaso dezaketen kostuetan.