Factoring 

Titular batek "bezeroei kobratzeko zorroa" (kobratu gabeko fakturak, ordainagiriak, letrak) lagatzen dio transakzio-mota horretan espezializatutako enpresa bati (sozietate faktoreari). Modu horretan, epe laburreko salmentak eskurako salmenta bihurtzen ditu eta titularraren kaudimengabezia-arriskua bere gain hartzen du eta haiek kontabilizatzeaz eta kobratzeaz arduratzen da.

Ezaugarriak

Factoring izenekoa egokia da batik bat kreditu-lerroari aurre egiteko moduko egoera ez duten ETE -entzat.

Factoring-eragiketak finantza-erakundeek edo kreditu-erakundeek egin ditzakete: bankuek, aurrezki-kutxek eta kreditu-kooperatibek.

Abantailak

• Denbora aurreztea, gastuak aurreztea eta txostenak lortzeko zehaztasuna.
• Zordunen zorroaren mobilizazio maximoa egiteko aukera ematen du eta guztiak kobratzea bermatzen du.
• Kontabilitatea sinplifikatzen du, izan ere, factoring-kontratuaren bitartez, eskura ordaintzen duen bezero bakarra baitu erabiltzaileak.
• Bezeroen zorroa onbideratzea.
• Emandako kredituen aurrerakina jasotzeko aukera ematen du.
• Ez dago zorpetzerik: erosketa irmoa eta errekurtsorik gabea.
• Zuzendariei salmenta-kontabilitatearen antolaketa ikuskatzeko eta zuzentzeko denbora aurrezten die.
• Baliabide zirkulatzaileak lortzeko finantzaketa-iturri gisa erabil daiteke.

Desegokitasunak

• Kostu handia. Aplikatzen den interes-tasa merkataritzako deskontu konbentzionala baino handiagoa da.

  Baliteke faktoreak bezeroaren zenbait dokumentu ez onartzea.

• Baztertuta geratzen dira produktu galkorrei buruzko eragiketak eta epe luzekoak (180 egun).
• Bezeroa sozietate faktorearen irizpidearen mende geratzen da erosleen arriskua ebaluatzeko.

Informazio gehiago

• Kredituen Finantza Establezimenduen Elkarte Nazionala

  Velazquez kalea, 64-66 2. solairua

  28001 Madril

  Tel.: 91 781 44 00

  Faxa: 91 431 46 46

  posta elektronikoa: asnef@asnef.com