Arrisku-kapitala 

Epe luzerako inbertsio minoritario eta aldi baterakoa da, errentagarritasun- eta/edo hazkunde-aukera handiak dituzten enpresa txiki eta ertainetan egindakoa. Jarduera hori kapitalean inbertitzen espezializatuta dauden enpresek egiten dute, eta, balio finantzario hutsaz gain, beste balio bat eransten diote.

Ezaugarriak

Urtarrilaren 5eko 1/99 Legeak Arrisku Kapitaleko Sozietateen (SCRen) eta Arrisku Kapitaleko Enpresak Kudeatzen dituzten Sozietateen (SGECRen) jarduera arautzen du.

Arrisku-kapitaleko inbertsioa aukera interesgarria da ETEak kapitalizatzeko, enpresa horiek (batez ere hazten ari direnean) finantzatzeko izaten dituzten zailtasunak aintzat hartzen baditugu.

Jarduera horretan espezializatutako inbertsio-konpainiek egiten dute inbertsioa, izan ere, nolabaiteko arriskua duen erakundea baita.

Funtsean, bi erakunde mota daude:

• Arrisku Kapitaleko Sozietateak. Errekurtsoak batez ere ETE berritzaileak aldi baterako finantzatzera bideratzen dituen sozietatea da. Kudeaketan ere laguntzen duenez, balio erantsia ematen dio helburuko enpresari. Ez du iraupen mugatua izaten eta baliabideak ugaritu ditzake, kapital-gehikuntzen bidez.
• Arrisku Kapitaleko Fondoak Kudeatzeko Sozietatea. Arrisku-kapitaleko inbertsioetan eskarmentu eta prestigio handia duten espezialisten taldea. Aldi baterako Arrisku Kapitaleko Fondoak eratu eta kudeatzen dituzte, kopuru finko baten eta desinbertsioko plusbalioetan partaidetza jakin bat lortzearen truke.

Gaur egun, 51 erakunde daude Espainian -2.073,49 milioi euroko baliabideak dituzte- eta horietatik 23 SGERCak dira.

Ia 51 erakunde horiek guztiak Espainiako Kapital Inbertsioko Elkartekoak (ASCRIkoak) dira.

Inbertsioa enpresa hartzailearen fase hauetakoren batean egin daiteke:

• Ideian
• Abiatzean
• Hedapenean
• Ordezkapenean
• Kredituzko erosketan ( LBO/ MBO/MBJ)
• Berrorientazioan

Hedapenarena eta kredituzko erosketarena dira inbertitzaileek gustukoen dituzten faseak -inbertitutako kopuru osoaren % 40na jaso dute-. Ideiaren fasean inbertitu da gutxien (%1), arriskurik handiena momentu horretan baitago.

Informazio gehiago

• Espainiako Kapital Inbertsioko Elkartea - ASCRI

  Josefa Valcarcel, 8, 3-A

  28027 Madril

  Telefonoa: 91 320 28 84

  Faxa: 91 320 84 38

• Axis, Participaciones Empresariales - AXIS

  Los Madrazo, 38, 2

  28014 Madril

  Telefonoa: 91 523 16 37

  Faxa: 91 532 19 33

• Garapena Finantzatzeko Espainiako Konpainia - COFIDES

  Príncipe de Vergara, 132, 12

  28002 Madril

  Telefonoa: 91 745 44 80 - 91 562 60 08

  Faxa: 91 561 00 15

  Posta elektronikoa: cofides@cofides.es

• Arrisku-kapitaleko sozietateen zerrenda [es]