O Observatorio da PEME, regulado polo Real Decreto 943/2005 de 29 de xullo (BOE de 9 de setembro. Corrección de errores, BOE de 18 de novembro) [es], pretende ser un instrumento efectivo de análise, debate e difusión das cuestións de relevancia para as pequenas e medianas empresas, así como un foro de interlocución entre os axentes implicados: departamentos ministeriais, comunidades autónomas, organizacións empresariais e sindicais, cámaras de comercio e representantes da economía social.
O Observatorio, conta co Pleno, a Comisión Executiva e o Comité Asesor.
Forman parte deste Comité Asesor expertos e investigadores de recoñecido prestixio, procedentes do ámbito profesional e universitario con experiencia e coñecemento de materias relacionadas coa pequena e mediana empresa.
O Observatorio da PEME promove a realización de estudos sobre a situación estrutural da PEME [es] e sobre políticas de promoción empresarial e de innovación nas empresas.
Así mesmo, formula propostas de actuación ás Administracións competentes e recomendacións aos axentes intermedios e ás PEME, para mellorar a súa competitividade.
