O programa InnoEmpresa atende unha das prioridades estratéxicas máis destacadas do Plan Nacional de Reformas elaborado polo Goberno Español. Con el preténdese mellorar a capacidade innovadora das pequenas e medianas empresas como parte substancial do tecido empresarial en España.
O Real Decreto 1579/2006 de 22 decembro, establece o réxime de axudas e o sistema de xestión do programa "InnoEmpresa" 2007-2013. No marco deste Decreto, o Ministerio de Industria, Turismo e Comercio desenvolve as bases para os proxectos suprarrexionais, e xestiona o Programa de forma coordinada coas Comunidades Autónomas que desenvolven as bases para os seus respectivos territorios e publican as convocatorias anuais.
O Programa InnoEmpresa, cun presuposto estimado de 500 millóns de euros para o período 2007-2013, contará cun cofinanciamento do Fondo Europeo de Desenvolvemento Rexional (FEDER) estimado en 95 millóns de euros, e co financiamento adicional procedente daquelas CC.AA. que así o decidan no marco da Conferencia Sectorial da Pequena e Mediana Empresa.
