Entidades de apoio




CDTI - Centro para el Desarrollo Tecnológico Industrial
Entidade pública empresarial dependente do Ministerio de Industria, Turismo e Comercio que promove a innovación e o desenvolvemento tecnolóxico nas empresas.
ddi - Sociedad estatal para el desarrollo del diseño y la innovación
Sociedade Colaboradora da DXPEME que ofrece apoio ás empresas para que incorporen o deseño e a innovación ás súas estratexias de desenvolvemento e á mellora dos seus produtos e servizos.
Plan Nacional de I+D+I
Actuacións que teñen como obxectivo elevar a capacidade tecnolóxica e innovadora das empresas, apoiar a creación de novas empresas de base tecnolóxica, creación de unidades de I+D+I, apoio a centros tecnolóxicos, patentes, homologación e certificación.
Red OTRI - Oficinas de Transferencia de Resultados de Investigación
Rede das universidades españolas que ten como misión potenciar e difundir o papel das universidades como elementos esenciais dentro do sistema de innovación, propiciando a transferencia de coñecementos entre os centros de investigación e as empresas.
OEPM - Oficina Española de Patentes y Marcas
Organismo autónomo do Ministerio de Industria, Turismo e Comercio que impulsa e apoia a creación e innovación tecnolóxica, outorgando protección xurídica ás distintas modalidades de propiedade industrial e ofrecendo distintos servizos de información tecnolóxica.
Fundación COTEC
Actuacións de fomento da innovación tecnolóxica na empresa, fundamental para a mellora da competitividade. Libro Branco 2004 sobre o Sistema Español de Innovación e Informes Anuais COTEC.
ANCES - Asociación Nacional de Centros Europeos de Empresas e Innovación (CEEI)
Colabora, mediante a potenciación e difusión dos CEEIs / BICs, achegando a súa experiencia sobre a creación de novas empresas ou liñas diversificadoras de empresas xa existentes e en especial aquelas iniciativas con carácter innovador.
FEDIT - Federación Española de Entidades de Innovación y Tecnología
Agrupa a diferentes organizacións interesadas no desenvolvemento do sistema español de Ciencia, Tecnoloxía e Empresa. Acolle á gran maioría dos Centros Tecnolóxicos, organizacións que apoian e impulsan todos os procesos de innovación e desenvolvemento tecnolóxico que favorezan a competitividade industrial.
APTE - Asociación de Parques Científicos y Tecnológicos de España
Centra a súa actividade na potenciación e difusión dos parques científicos e tecnolóxicos e en destacar a súa importancia no progreso científico - tecnolóxico do país, ao promover a cultura da innovación e a competitividade das empresas instaladas ou asociadas.
Organismos de Normalización, Certificación, Acreditación e Calidade Industrial
AENOR Asociación Española de Normalización e Certificación
AEC - Asociación Española para a Calidade
ENAC - Empresa Nacional de Acreditación
Asociación Europea de Organismos de Investigación e Tecnoloxía - EARTO