Programa de microcréditos para mulleres emprendedoras e empresarias 

O Ministerio de Industria, Turismo e Comercio, a través da Dirección Xeral de Política da PEME, mantén un programa de microcréditos para mulleres emprendedoras e empresarias, mediante un convenio de colaboración coa Secretaría de Estado de Igualdade.

O obxectivo deste programa é promover a creación, crecemento e consolidación das empresas lideradas por mulleres. Para iso, ofrécese financiamento e asesoría técnica individualizada ás mulleres que soliciten acollerse a este programa

A achega do Ministerio de Industria, Turismo e Comercio consiste na concesión directa de microcréditos, en condicións máis vantaxosas que as do mercado e sen necesidade de garantías adicionais á viabilidade do propio proxecto empresarial presentado.

Este financiamento realízase a través da Empresa Nacional de Innovación (ENISA), unha vez cualificados positivamente os proxectos empresariais remitidos por algunha das organizacións empresariais de mulleres colaboradoras do programa.

Pola súa banda, a Secretaría de Estado de Igualdade financia ás organizacións empresariais cuxa colaboración consiste en prestar a asesoría e asistencia técnica individualizada ás emprendedoras que solicitan acollerse ao programa, así como actuacións de seguimento e titorización das empresas creadas, unha vez obtido o microcrédito e a súa implantación no mercado.

• Información microcréditos 2010/2011
• Organizacións empresariais colaboradoras